Football: Fiston Abdoul yashize umukono kumasezerano y'umwaka umwe n’umugwi wa Clube de Sportivo 1° Agosto muri Angola

Vyanditswe itariki 09/12/2017 isaha 12:18:39

 

Kw'igenekerezo rya 6 Kigarama 2017, niho umukinyi mpuzamakungu w'umurundi Fiston Abdoul batazira Abdoul-Razzak yashira umukono ku masezerano yiwe mashasha mu mugwi wa Club de sportivo 1°Agosto. Mu kiganiro gito yahaye imboneshakure y'umugwi agiye gukinira yamenyesheje yuko aryohewe cane kubona agiye gukinira muri Angola mu mugwi w'amateka nkuwo, nk' umusatirizi azokora uko ashoboye kugira atsinde cane, atange umunezero kubakunzi ndetse n'indongozi z'uwo mugwi. Mwomenya ko Fiston Abdoul agiye kubandaniriza igikorwa Kizigenza wiwe muntamba Ndikumana Yamin Selemani yakoze igihe yaciye muri uwomugwi mu 2015.

Tubibutse ko imyaka ibiri irangiye yari afitaniye amasezerano na Mamelody Sundowns yo muri Afrika y'epfo yakiniye umwaka umwe ,uwukurikira baca bamutiza muri Celtic Bloemfontein . Turamwipfurije amahirwe no kuroranirwa munkino za Cecafa Senior Challenge Cup arimwo,akaba yashitse mu gitondo co kuri uwu w'9/12/2017 i Kakamega aho abandi bacumbitse,yanakoze imyimenyerezo mukwitegurira urukino rutegekanijwe kuwa mbere 11 Kigarama 2017 n’umugwi wa Sudani y’Epfo.


Fiston inyuma yo gusinya amasezerano



Yamin Selemani muri Sportivo Agosto mu 2015


 

 

Ico mwiyumvira kur'iyi nkuru :

 

 

 

 

 

 

 

 

 

 

 

 

 

Mondial 2018, 1/2 finale

France 1-0 Belgique
Croatie 2-1 Angleterre

Mondial 2018, ikibanza ca 3

Belgique 2-0 Angleterre

Mondial 2018, Finale

France 4-2 Croatie