Basketball: Imigwi ya Berco Stars n’Urunani niyo yaraye itahukanye agahiganwa ko kwugurura umwaka w’inkino muri ACBAB

Vyanditswe itariki 10.04.2018

 

Inyuma yo kumenyesha ko ihiganwa rya Basketball mu gisagara ca Bujumbura rigiye gutangura, ishirahamwe ACBAB riraba ibijanye n’uwo rukino ku murwa mukuru w’Igihugu ryaciye ritunganya agahiganwa ko kwugurura icese umwaka w’inkino. Imigwi ishika ku 8 mu bagabo n’4 mu bigeme niyo yitavye ako gahiganwa katanguye kuwa 31 Ntwarante n’uwambere Ndamukiza gaca gasozerwa n’inkino z’igice ca kabiri gishira icanyuma kur’uyu wa 7 Ndamukiza n’inkino zanyuma kuw’Imana 8 Ndamukiza

 

Imigwi ya Kern n'Urunani (imyambaro y'umuhondo) imbere yo gutangura urukino rwanyuma

 

Berco Stars wasubiye kw’isonga muri Basketball y’abigeme, Urunani nawo wanezereje abakunzi bawo

 

Mu rukino rw'igice ca kabiri gishira icanyuma umugwi wa Berco Star wari watsinze Les Gazelles ku manota 51 kuri 39, bikaba biboneka ko Berco Stars uri mu bihe vyiza inyuma yo gutwara igikombe citiriwe Umukuru w'Igihugu nubu bakaba babandanije bavyifatamwo neza. Mu rukino rwanyuma rwabaye mu gitondo co kur’uyu w’Imana, watsinze bitawugoye cane umugwi wa Aigle Noir mushasha mw’ihiganwa ku manota 65-34.

Mu bagabo, umugwi w’Urunani wakuyemwo Gymkhana uwutsinze 84-71 mu gice ca kabiri gishira icanyuma watanye mu mitwe na Kern wari waraye ukuyemwo New Stars biwugoye cane (85-84) mu rukino rw’igitangaza.

Mu gace kambere k’urukino rwanyuma hagati y’Urunani na Kern, iyo migwi yaje isa n’iyitinyana biboneka k ikiriko irarabana mu mikenyuro, gaca karangira Urunani ufise 12-10. Mu gace ka kabiri, Urunani waciye uvuduka urarusha bikomeye Kern aho Urunani rwinjije amanita 16 mur’ako gace, Kern nawo winjiza ane gusa, maze igice cambere c’urukino kirangira Urunani uri imbere ku manota 28-14. Mu gice ca kabiri c’urukino, abakinyi ba Kern baragerageje kwivyukiranya baronka amanota 17 mu gace ka gatatu mu gihe Urunani rwari rwaronse 13. Mu gace ka kane naho iyo migwi yaranganije kuko yose yinjije amanota 13, akavura kaguye hasigaye iminota ibiri ngo urukino rurangire kakaba karagabanije umuvuduko ku mpande zose naho babandanije bakina bitanga, urukino ruca rurangira ku ntsinzi y’Urunani amanota 54-44.

Icabonetse mur’izo nkino nuko imigwi isa n'iyinganya inguvu kuko yatsindana bigoye, ivyo rero bigatuma benshi bibaza uko bigiye kugenda mw'ihiganwa rigiye gutangura ku musi wa gatandatu uza 14 Ndamukiza 2018.

 

 

Audifax Ndikuriyo

 

 

Ico mwiyumvira kur'iyi nkuru :

 

 

 

Primus Ligue, umusi wa 30

Vital'O FC 1-1 Messager N.
LLBS4A 2-2 Bumamuru
Ngozi City 0-2 Kayanza Utd
Rukinzo FC 0-2 Flamb. Centre
Musongati FC 3-1 Athletico Ol.
Flamb. Est 3-0 Les Lierres
Olympic S. 3-2 Buja City
Messager Bja 0-4 Aigle Noir

Ligue B, umusi wa 12

Delta Star 1-0 Buhumuza
Volontaire 0-1 Muzinga
Les Eléphants 2-2 Inter Stars
Aigle Noir B 1-1 Rumonge City
Les Jeunes At. 0-3 BS Dynamic
Top Junior 2-1 Moso Sugar
Lumière M. 0-0 Busoni Star
Unité FC 0-3 Royal FC M.

 

Primus Ligue, umusi wa 30/30

Kuwa 26/04
Messager Bja 0-4 Aigle Noir
Kuwa 27/04
Vital'O FC 15:00 (PLR) Messager N.
LLBS4A 15:00 (CTN) Bumamuru
Ngozi City 15:00 (Urukundo) Kayanza Utd
Rukinzo FC 15:00 (Ivyizigiro) Flamb. Centre
Musongati FC 15:00 (Gitega) Athletico Ol.
Flamb. Est 15:00 (Ruyigi) Les Lierres
Olympic S. 15:00 (Muyinga) Buja City