Volleyball: Imigwi ya Muzinga na Rukinzo niyo yatahukanye agahiganwa kugurura umwaka w'inkino i Bujumbura

Vyanditswe itariki 29.01.2019

 

Kuwa gatandatu no ku w'Imana amagenekerezo ya 26 na 27 Nzero, ishirahamwe ry'urukino rw'amaboko Volleyball i Bujumbura ryaratunganije agahiganwa ko kwugurura icese umwaka w'inkino, umugwi Muzinga w'abakenyezi na Rukinzo w'abagabo akaba ariyo yatahukanye ibikombe yerekanye umupira mwiza cane.

 

Rukinzo (imyambaro y'icatsi kibisi) na AJSB mu rukino rwanyuma rw'abagabo.

 

Uko inkino zo gukuranamwo zagenze:

 

Mu bagabo:

ASB watsinze Bisoro VB ku ma seti 3 kuri 2.
Rukinzo utsinda COSMOS kwi seti 3 kubusa.

Mu bakenyezi

Muzinga 3-0 GLC
Les As 3-0 New Colombe
GLC 3-0 Les As

 

Ku w'Imana niho hakinwa inkino zanyuma haca hatangwa ubushimwe

 

Urukino rwambere rwahuje umugwi wa Muzinga na GLC mu bakenyezi.Umugwi wa Muzinga ukaba watsinze bitawugoye nagato kwi seti 3 ku busa ( 25-14, 25-23, 25-21 ).

Urundi rukino rwo mu bagabo narwo ruhuza imigwi ya Rukinzo na ASB ( Amical Sportif de Bujumbura).Urukino rwatanguye imigwi yose isa niyitinyana ndetse ivyo bikaba vyagaragajwe nuguta imipira itari mike muri bimwe bita "service" aho kumpande zose hatakaye imipira irenga cumi ariko muriyo seti yambere ASB ukaba waciye uvyifatamwo neza guhera ku manota 20 mbere babona guca mu ryahumye Rukinzo bayitwara i seti yambere ku manota (25 kuri 23).

Biciye ku mpanuro z'umumenyereza,ishaka ryinshi,ihanahana neza ry'umipira, Rukinzo waciye wivyukiranya ASB uwutsinda iseti zitatu zikurikirana ( 25-15, 25-19, 28-26 ) gutyo utahukana intsinzi y'igikombe gitanguza inkino I bujumbura "tournoi d'ouverture".

Udushimwe twatanzwe twari tugizwe n'imipira ibiri yo gukina ku migwi yitavye ihiganwa hamwe n'imipira n'igikombe ku migwi ya Muzinga mu bakenyezi na Rukinzo mu bagabo.

Tukaba twokwibutsa abakunzi b'inkino na cane cane aba Volleyball ko ihiganwa nyezina rigiye gutangura kuruyu wa gatandatu no ku w'Imana amagenekerezo ya 2 na 3 Ruhuhuma ku kibuga kiri mu Bushikiranganji bw'inkino n'imicokama aho benshi bita kuri "Département".

Audifax Ndikuriyo

 

 

Ico mwiyumvira kur'iyi nkuru :

 

 

 

Primus Ligue, umusi wa 28

Messager Bja 1-3 Les Lierres
Messager N. 0-0 Aigle Noir
Olympic S. 0-0 Flamb. Est
Buja City 1-1 Musongati FC
Athletico Ol. 1-1 Bumamuru FC
Kayanza Utd 0-2 LLBS4A
Ngozi City 1-2 Flamb. Centre
Vital'O FC 0-1 Rukinzo FC

Primus Ligue, umusi wa 29

Messager Bja 2-4 Olympic S.
Vital'O FC 1-0 Flamb. Est
Rukinzo FC 0-1 LLBS4A
Buja City 0-3 Athletico Ol.
Kayanza Utd 1-1 Flamb. Centre
Aigle Noir 2-1 Musongati FC
Messager N. 3-0 Ngozi City
Bumamuru FC 1-0 Les Lierres