Handball: Ihiganwa rivyura ibikurwa mw’ishirahamwe ry’i Bujumbura ryaraye risozerewe

Vyanditswe itariki 26.06.2017

 

Inyuma y’igihe kitari gito ata nkino zitunganywa mw’ishirahamwe rya Handball ry’i Bujumbura, inzego zishasha z’iryo nshirahamwe ryaratunganije ihiganwa ryo kuvyura ibikorwa kuva kuwa 10 Ruheshi rica risozerwa kur’uyu w’Imana 25 Ruheshi. Iryo higanwa ryari ryahuje imigwi y’abiakenyezi n’iy’abagabo harimwo n’imigwi y’imikangara, tugaruke ku nkino zanyuma zaraye zibaye.

 

Umugwi wa Muzinga waraye wirahiye Golden Team mu rukino rubereye ijisho

 

Uko inkino zanyuma z’ihiganwa zagenze

 

Mu misore y’imikangara, umugwi La Colombe niwo watahukanye igikombe utsinze biwugoye cane umugwi Brothers ibitsindo 18-17

Mu bakenyezi naho, Galaxy Handball Team wirahiye Rumuri mu kuwutsinda ibitsindo 11 kw’9 uca utahukana igikombe

Urukino rwari rwitezwe n’abakunzi benshi cane ba Handball n’urukino rwanyuma mu bagabo rwahuje imigwi ya Muzinga wari wakuyemwo Intwari mu gice ca kabiri gishira icanyuma (32-22) na Golden Team wari wakuyemwo SOS (29-21). Umugwi wa Golden team niwo watanguranye urukino ishaka rikomeye utsinda Muzinga 5-1 mu minota 10 yambere. Muzinga wagiye kwivyukiranya mu minota 15 yanyuma mu gice cambere, uraduga ku bitsindo gushika aho imigwi ija kuruhuka inganya 10-10. Mu gice ca kabiri, imigwi yose yaje yazikenyeye irondera gutwara igikombe, vyaraboneka ko isa n’iyinganya ubuhinga n’ubukerebutsi kuko yageze ku minota 20 y’igice ca kabiri inganya 18-18. Ibintu vyagiye kudadanuka mu minota yanyuma y’urukino, aho Muzinga wongereje inguvu urasatira bidasanzwe udahusha, urukino ruca rurangira Muzinga utsinze 25-20.

 

Ibikorwa bigeye kubandanya

 

Inyuma y’urukino rwahuje Muzinga na Golden Team, habanje kwerekanwa abagize urwego nyobozi bashaha maze abafashe amajambo barashimira abitanze kugira iryo higanwa ry’intangamarara ritunganywe. Uwurongoyr ishirahamwe rya Handball I Bujumbura yaremereye abakunzi b’urwo rukino ko vuba cane inkino zigiye kubandanya, zikaba zizoza zirabera ku kibuga c’Ubushikirangaji aho benshi bita kuri “Département”.

Ibirori vyagiye gusozerwa no gutanga ubushimwe, umugwi La Colombe watahukanye igikombe c’imikangara, Galaxy Handball team utahukana ic’abigeme, Muzinga nawo utahukana ic’abagabo.

Audifax Ndikuriyo

 

 

Ico mwiyumvira kur'iyi nkuru :

 

 

 

Primus Ligue, umusi wa 15

Athletico Ol. 2-0 Kayanza Utd
Messager Bja 1-1 Flamb. Est
Buja City 7-2 Olympic S.
Musongati FC 5-1 Ngozi City
Rukinzo FC 0-2 Les Lierres
Bumamuru FC 0-1 Aigle Noir

Primus Ligue, umusi wa 16

LLBS4A 0-0 Buja City
Les Lierres 2-2 Kayanza Utd
Flamb. Centre 0-1 Athletico Ol.
Ngozi City 0-1 Bumamuru
Flamb. Est 1-0 Messager Bja
Olympic S. 1-3 Musongati

Primus Ligue, umusi wa 17

Les Lierres 0-0 Musongati
Aigle Noir 3-1 Buja City
Ngozi City 1-0 Flamb. Est
Bumamuru 1-2 Olympic S.
Messager Bja 2-1 LLBS4A
Flamb. Centre 1-0 Vital'O FC
Kayanza Utd 0-1 Messager N.
Rukinzo 2-0 Athletico Ol.

Primus Ligue, umusi wa 15

Vital'O FC 3-1 Flamb. Centre
LLBS4A 1-0 Messager N.